Les mots surlignés font l'objet d'une note
1Monseigneur, craignant que la lettre que envoyay à v[otre] grace du XII du present avec celle
2de monseigneur lillustre cardinal de Sens et de monsieur Bollon ne vous ayent
3poeult estre encores esté rendues, jey pencé recharger par la presente et vous
4advertir come le VIIIe dudit present moys, labbaie feust bailhier à monseigneur
5d’Apt per incapacitatem de babtistae et attestationis quo modo cunque vacaret suyvant
6la volonté du roy avec grace de la moictié de lexpedition. Despuis je nay
7peu fère aultre choze avec lappuy dudit sieur Bollon (qui continue fort liberalement
8de m’aider) que fère fère la cedulle concistorialle (que sert de signature et
9sur laquelle fault qu’on extende les bulles en cancellerie) et ycelle fère
10voir à monsieur le dataire, layant ainsi vollu ledit seigneur cardinal, ce que nous
11ha retardé jusques yci pour la multitude de affères dudit sieur dataire.
12Demain je la ferey revoir à notre abreviateur pour mieulx et plus seurement
13proceder à lextention des bulles et retireray le motu proprio de ladite grace
14faicte par N[otre] S[aint] Père pour vous en prevaloir et liquider ladite moictié le mieulx
15que sera possible, vous asseurant, monseigneur, que il y aura aultant et
16Toutesfois à laide de Dieu et de messeigneurs qui nous ont conduit jusques
18ycy nous en esperons bien tost venir à bout. Jey desjà prins deux mille
19trois centz escus et comence à paier le droict du collège des seigneurs cardinaulx,
20suyvant la costume, bien marry que ne ay lettre de monseigneur le cardinal
21de Este, suyvant vous lettres, car ce nous seroit grand sollas que de
22sauver sa propine ; je ferey tout mon pouvoir pour jouir de ladite grace
23aussi bien contre luy que contre les aultres et nespargneray vous faveurs
24ne ma poyne pour vous rendre contant et satisfaict come je desire
25et vous fère agreable service et très humble et me retirer dicy les plus
26soubdainement que je pourray et aux moingdres fraiz. Il ne est possible,
27monseigneur, de obtenir dispense de lhabit de mondit seigneur d’Apt parce
28que messeigneurs les cardinaulx mesmes portent lhabit de leur ordre et
29religion et mesdits seigneurs cardinal protecteur et embessadeur ne sont
30dadvis en parler pour mainctenant, que est cause que je ne y touche rien
31et m’asseurant que v[otre] seigneurie ladvertira de tout ne importuneray sa seignorie
32reverendissime de mes lettres. Jay cherché davoir novelles du faict de la damoizelle
33religieuse quil vous pleust me scrire de Saint Marcellin, mais je ne en ay
34rien entendu et ne cognoit-on yci aulcun banquier de Lyon nommé monsieur
35Clavel dens votredite lettres et à tant prie le Createur vous donner
36monseigneur en santé ce que desirés et me fère la grace vous pouvoir fère
37très humble et agreable service comme je desire. De Rome, ce XXVme
38Janvier 1574
39Votre très humble et très hobéissant serviteur
40à jamais
41A. Draqui